ಬೆಂಗಳೂರಿನಲ್ಲಿ ಗಾಯಕ ಸಿದ್ ಶ್ರೀರಾಮ್ ಸಂಗೀತ ಕಾರ್ಯಕ್ರಮ
ಖ್ಯಾತ ಜನಪ್ರಿಯ ಗಾಯಕ ಸಿದ್ ಶ್ರೀರಾಮ್ ಅವರ ಸಂಗೀತ ಕಾರ್ಯಕ್ರಮ ಬೆಂಗಳೂರು ಸೇರಿದಂತೆ ದೇಶದ ಹಲವು ನಗರಗಳಲ್ಲಿ ನಡೆಯಲಿದೆ. ಬೆಂಗಳೂರಿನಲ್ಲಿ ನವೆಂಬರ್ 22, ಚೆನ್ನೈನಲ್ಲಿ ನವೆಂಬರ್ 29 ಮತ್ತು ಹೈದರಾಬಾದ್ನಲ್ಲಿ ಡಿಸೆಂಬರ್ 13ರಂದು ಈ ಸಂಗೀತ ಕಾರ್ಯಕ್ರಮ ನಡೆಯಲಿದ್ದು, ಆಗಸ್ಟ್ 4ರಿಂದ ಟಿಕೆಟ್ ಮಾರಾಟ ಆರಂಭವಾಗಿದೆ.
ಬೆಂಗಳೂರಿನಲ್ಲಿ ಟೆರಾ ಫಾರ್ಮ್ ಅರೆನಾದಲ್ಲಿ ಕಾರ್ಯಕ್ರಮ ನಡೆಯಲಿದೆ. ಫ್ಯಾಟ್ ಏಂಜಲ್ ಮತ್ತು ಜೊಮಾಟೊ ಡಿಸ್ಟ್ರಿಕ್ಟ್ ಪ್ರಸ್ತುತ ಪಡಿಸುತ್ತಿರುವ ಸಂಗೀತ ಕಾರ್ಯಕ್ರಮ ಸಂಜೆ 5:00ಕ್ಕೆ ಆರಂಭವಾಗುತ್ತದೆ. ಕಾರ್ಯಕ್ರಮದಲ್ಲಿ ಸಿದ್ ಶ್ರೀರಾಮ್ ಕನ್ನಡ, ತಮಿಳು, ತೆಲುಗು ಮತ್ತು ಮಲಯಾಳಂ ಭಾಷೆಗಳ ಸೂಪರ್ ಹಿಟ್ ಗೀತೆಗಳನ್ನು ಹಾಡಿ ಸಂಗೀತ ಸುಧೆ ಹರಿಸಲಿದ್ದಾರೆ.
ಜೊಮಾಟೊ ಡಿಸ್ಟ್ರಿಕ್ಟ್ ನಲ್ಲಿ ಈಗಲೇ ಕಾರ್ಯಕ್ರಮವನ್ನು ಹಾಟ್ಲಿಸ್ಟ್ ಮಾಡಬಹುದು. ಆರಂಭದಲ್ಲಿಯೇ ಪ್ರೀಬುಕ್ ಮಾಡುವವರಿಗೆ ಸೀಮಿತ ಅವಧಿಯ ಒನ್ ಗೆಟ್ ಒನ್ ಫ್ರೀ ಆಫರ್ ದೊರೆಯಲಿದೆ. ಫ್ಯಾನ್ಪಿಟ್, ಜನರಲ್ ಮತ್ತು ಲೌಂಜ್ ವಿಭಾಗಗಳ ಟಿಕೆಟ್ ಪಡೆಯಬಹುದಾಗಿದ್ದು, ಆರಂಭಿಕ ಟಿಕೆಟ್ ಬೆಲೆ 2,000 ರೂಪಾಯಿ ನಿಗಧಿ ಪಡಿಸಲಾಗಿದೆ
ಸಂಗೀತ ನಿರ್ದೇಶಕ ಹಾಗೂ ಪ್ಲೇಬ್ಯಾಕ್ ಗಾಯಕರಾದ ಸಿದ್ ಶ್ರೀರಾಮ್ ಪ್ರತಿಕ್ರಿಯಿಸಿ, ಚೆನ್ನೈ, ಬೆಂಗಳೂರು ಮತ್ತು ಹೈದರಾಬಾದ್ ಈ ನಗರಗಳು ನಕ್ಷೆ ಕಚ್ಚಿದ ಬಿಂದುಗಳಷ್ಟೇ ಅಲ್ಲ. ನನ್ನ ಧ್ವನಿಯನ್ನು ಕಂಡುಹಿಡಿದೆ, ಸಂಗೀತದೊಂದಿಗೆ ಪ್ರೀತಿಯಲ್ಲಿ ಬೀಳಿದೆ, ಹಾಗೂ ಅನೇಕ ‘ಮೊದಲು’ ಅನುಭವಿಸಿದೆ. ಈ ಸ್ಥಳಗಳಲ್ಲಿನ ಪ್ರತಿಯೊಂದು ವೇದಿಕೆ, ಪ್ರೇಕ್ಷಕರ ಪ್ರತಿಕ್ರಿಯೆ ನನ್ನನ್ನು ಇಂದು ನಾನು ಆಗುವವರೆಗೆ ರೂಪಿಸಿಕೊಂಡಿವೆ. ಇಲ್ಲಿ ಪ್ರದರ್ಶನ ನೀಡುವಾಗ ನನಗೆ ಗಾಢವಾದ ಭಾವನಾತ್ಮಕ ಅನುಭವವಿದೆ. ಇದು ಹಳೆಯ ಡೈರಿಯನ್ನು ತೆರೆಯುವಂತೆ ಪರಿಚಿತವಾದರೂ ಹೊಸ ರೀತಿಯಲ್ಲಿ ಸ್ಪರ್ಶಿಸುವ ಶಕ್ತಿಯಿದೆ ಎಂದಿದ್ಧಾರೆ
ತಮಿಳು, ತೆಲುಗು, ಮಲಯಾಳಂ, ಕನ್ನಡ ಹಾಗೂ ಹಿಂದಿ ಸೇರಿದಂತೆ 250ಕ್ಕೂ ಹೆಚ್ಚು ಹಾಡುಗಳನ್ನು ನೀಡಿರುವ ಸಿದ್ ಶ್ರೀರಾಮ್, ಭಾರತೀಯ ಸಂಗೀತದ ರೂಪುಗಟ್ಟುವಿಕೆಯಲ್ಲಿ ಪ್ರಮುಖ ಪಾತ್ರವಹಿಸಿದ್ದಾರೆ. ಈ ಎಕ್ಸ್ಕ್ಲೂಸಿವ್ ಸೊಲೋ ಟೂರ್ ಅದರ ವ್ಯಾಪ್ತಿ, ವೈಭವ ಮತ್ತು ಭಾವಪೂರ್ಣ ಪ್ರದರ್ಶನಗಳೊಂದಿಗೆ ಭಾರತದಲ್ಲಿ ಲೈವ್ ಸಂಗೀತದ ಹೊಸ ಮಾನದಂಡ ಸ್ಥಾಪಿಸುತ್ತಿದೆ, ಹಾಗೂ ಅವರನ್ನು ಆಧುನಿಕ ಭಾರತೀಯ ಸಂಗೀತದ ಪ್ರಮುಖ ಕಲಾವಿದರಲ್ಲೊಬ್ಬರಾಗಿ ಮತ್ತೊಮ್ಮೆ ಗುರುತಿಸುತ್ತಿದೆ.
