ರೋಮ್ಯಾಂಟಿಕ್ ಕಾಮಿಡಿ ” ಒಂಟಿ ಬಂಟಿ ಲವ್ ಸ್ಟೋರಿ ” ಸದ್ಯದಲ್ಲಿಯೇ ಚಿತ್ರ ತೆರೆಗೆ
ಸಾಪ್ಟ್ ವೇರ್ ಇಂಜಿನಿಯರ್ ಯತೀಶ್ ಪನ್ನ ಸಮುದ್ರ ರೋಮ್ಯಾಂಟಿಕ್ ಕಾಮಿಡಿ ಚಿತ್ರ ನಿರ್ಮಿಸಿದ್ದಾರೆ. ಕಿರು ಚಿತ್ರ ಮಾಡಿಕೊಂಡಿದ್ದ ಅವರು ಅದನ್ನೇ ಹವ್ಯಾಸವನ್ನಾಗಿ ಮಾಡಿಕೊಂಡು ಇದೀಗ “ಒಂಟಿ ಬಂಟಿ ಲವ್ ಸ್ಟೋರಿ” ಚಿತ್ರವನ್ನು ತೆರೆಗೆ ತರಲು ಮುಂದಾಗಿದ್ದಾರೆ
ಸಿನಿಮಾ ನಿರ್ಮಾಣ ಸಂಭಾಷಣೆ ನಿರ್ದೇಶನ ಜೊತೆಗೆ ನಾಯಕನಾಗಿ ಕಾಣಿಸಿಕೊಂಡಿರುವ ಯತೀಶ್ ಪನ್ನ ಸಮುದ್ರ ಒಂದೊಳ್ಳೆ ಚಿತ್ರ ಮಾಡಿದ್ದೇನೆ ಎಂಬ ಖುಷಿಯಲ್ಲಿದ್ದಾರೆ. ಚಿತ್ರದ ಚಿತ್ರೀಕರಣ ಮುಗಿದಿದ್ದ ಸದ್ಯದಲ್ಲಿಯೇ ಚಿತ್ರ ತೆರೆಗೆ ಬರಲು ಸಜ್ಜಾಗಿದೆ.
ಈ ಕುರಿತು ಮಾಹಿತಿ ಹಂಚಿಕೊಂಡು ಯತೀಶ್ ಪನ್ನ ಸಮುದ್ರ. ಸಿನಿಮಾ ಹಾಬಿಯಲ್ಲ ಫ್ಯಾಷನ್. ಕಾಲೇಜು ದಿನಗಳಿಂದ ಸಿನಿಮಾದಲ್ಲಿ ಅಭಿನಯಿಸಬೇಕು ಎಂಬ ಆಸೆ ಇತ್ತು, ಆದರೆ ಇದಕ್ಕೆ ಬೆಂಬಲವಾಗಿ ಚಿತ್ರರಂಗಕ್ಕೆ ಬಂದಿದ್ದೇನೆ, ಚಿತ್ರ ಅಂದುಕೊಂಡಂತೆ ಚೆನ್ನಾಗಿ ಬಂದಿದೆ, ಪ್ರೇಕ್ಷಕರಿಗೆ ಮೆಚ್ಚುಗೆ ಆಗುವ ಎಲ್ಲಾ ಅಂಶಗಳು ಚಿತ್ರದಲ್ಲಿದೆ. ಅದರಲ್ಲೂ ಯುವ ಪ್ರೇಕ್ಷಕರನ್ನು ದೃಷ್ಟಿಯಲ್ಲಿಟ್ಟುಕೊಂಡು ಚಿತ್ರ ನಿರ್ಮಿಸಿ ಇರುವುದರಿಂದ ಸಿನಿಮಾ ರಷಸ್ ಚೆನ್ನಾಗಿ ಆಗಬಹುದೆಂದು ನಿರೀಕ್ಷೆ ಇದೆ.
Áಸನ ಜಿಲ್ಲೆ ಅರಸೀಕೆರೆ ತಾಲೂಕು ಪನ್ನ ಸಮುದ್ರ ಗ್ರಾಮದ ಕೃಷಿ ಕುಟುಂಬ ನಮ್ಮದು ಬೆಂಗಳೂರಿನ ಸರ್ಕಾರಿ ಶ್ರೀ ಕೃಷ್ಣರಾಜೇಂದ್ರ ಸಿಲ್ವರ್ ಜುಬಿಲಿ ಟೆಕ್ನಾಲಜಿ ಕಾಲೇಜಿನಲ್ಲಿ ಬಿಇ ಪದವಿ ಪಡೆದ ನಂತರ ಹೂವಾಯಿ ಸಾಫ್ಟ್ ವೇರ್ ಕಂಪನಿಯಲ್ಲಿ ಆರು ವರ್ಷ ಕೆಲಸ ಮಾಡಿದ ಅನುಭವ ಇದೆ. ಕೊರೊನಾ ಕಾಲದಲ್ಲಿ ವರ್ಕ್ ಫ್ರಮ್ ಹೋಮ್ ಆದಾಗ ಸಿನಿಮಾ ಕ್ಷೇತ್ರಕ್ಕೆ ಬಂದೆ ಎಂದಿದ್ಧಾರೆ
ಜೀವನದಲ್ಲಿ ಯಾವುದು ಮುಖ್ಯ ಎಂದು ತಿಳಿಯದೆ ಪರದಾಡುವ ಯುವಜನರ ಮಾನಸಿಕ ತೊಳಲಾಟವನ್ನೇ ಕಥೆಯಾಗಿಟ್ಟುಕೊಂಡು ಒಂಟಿ ಬಂಟಿ ಲವ್ ಸ್ಟೋರಿ ಎಂಬ ಸಿನಿಮಾ ಮಾಡಿದ್ದಾರೆ. ಓದೋ ಕಾಲದಲ್ಲಿ ಲವ್, ಲವ್ ಮಾಡೋ ಕಾಲದಲ್ಲಿ ಉದ್ಯೋಗ, ಉದ್ಯೋಗ ಮಾಡುವಾಗ ಹಣ, ಮುಖ್ಯನಾ ಕೆಸರು ಮುಖ್ಯನಾ ಅಂತ ತಳದಾಡುವುದು ಇಂದಿನ ಜನರ ಮನಸ್ಥಿತಿಯಾಗಿದೆ. ಯುವಜನರ ಇಂತ ಗೊಂದಲಗಳನ್ನೆಲ್ಲ ರೋಮ್ಯಾಂಟಿಕ್ ಕಾಮಿಡಿ ಕಥೆ ಮಾಡಿ ಚಿತ್ರ ಎಂದಿದ್ದಾರೆ
ಚಿತ್ರದಲ್ಲಿ ಶ್ವೇತಾ ಭಟ್ ಮತ್ತು ಶ್ರುತಿ ಚಂದ್ರಶೇಖರ್ ನಾಯಕಿಯಾಗಿದ್ದಾರೆ. ಶ್ವೇತಾ ಭಟ್ ಹಿಂದೆ ‘ಯದಾ ಯದಾಹಿ’ ಮತ್ತು ‘ಹೊಯ್ಸಳ’ ಚಿತ್ರಗಳಲ್ಲಿ ಮತ್ತು ಅರ್ಧಾಂಗಿ ಎಂಬ ಸುವರ್ಣ ಟಿವಿಯ ಧಾರವಾಹಿಯಲ್ಲಿ ಅಭಿನಯಿಸಿದ ಅನುಭವವಿದೆ. ಉಳಿದಂತೆ ನಟನಾಗಿರುವ ವೈಭವ ವರ್ಧನ್, ಸಂಗೀತ ನಿರ್ದೇಶಕ ಶ್ರೀ ಹರಿ ಶ್ರೇಷ್ಠ, ಸಂಕಲನಕಾರರು ಅಭಿನವ ಶ್ರೀನಿವಾಸ್,
ಛಾಯಾಗ್ರಹಕ ಶಿವರಾಜ್ ರಾಥೋಡ್ ಎಲ್ಲರೂ ಹೊಸಬರೇ. ಚಿತ್ರದಲ್ಲಿ ಎರಡು ಹಾಡುಗಳನ್ನು ಪ್ರಮೋದ್ ಮರವಂತೆ ಬರೆದಿದ್ದಾರೆ. ” ಸಮಯವೇ ಸಾಲದು ” ಅನ್ನೋ ರೋಮ್ಯಾಂಟಿಕ್ ಸಾಂಗ್ ಅನ್ನು ಕಲ್ಯಾಣ್ ಮಂಜು ಹಾಡಿದ್ದಾರೆ, ” ಬೇಜಾರು” ವಿಷಾಕ್ ನಾಗಲಪುರ ಹಾಡಿದ್ದಾರೆ
