ಡಬ್ಯು ಡಬ್ಯು ಸಿಎಲ್ -ವುಮೇನ್ಸ್ ವಿಂಡ್ ಬಾಲ್ ಕ್ರಿಕೆಟ್ ಲೀಗ್ :ಮಂಜು 11 ತಂಡಕ್ಕೆ ಪ್ರಶಸ್ತಿ
ಟಿಪಿಎಲ್, ಐಪಿಟಿ12ಕ್ರಿಕೆಟ್ ಟೂರ್ನಮೆಂಟ್ ಆಯೋಜಿಸಿ ಯಶಸ್ಸು ಕಂಡಿರುವ ಎನ್-1 ಕ್ರಿಕೆಟ್ ಅಕಾಡೆಮಿ ಸುನೀಲ್ ಕುಮಾರ್ ಬಿ ಆರ್ ಹೆಣ್ಣು ಮಕ್ಕಳಿಗಾಗಿ ಮೊದಲ ಬಾರಿಗೆ ಆಯೋಜಿಸಿದ್ದ ಡಬ್ಯು ಡಬ್ಯು ಸಿಎಲ್ -ವುಮೇನ್ಸ್ ವಿಂಡ್ ಬಾಲ್ ಕ್ರಿಕೆಟ್ ಗೆ ತೆರೆಬಿದ್ದಿದೆ. ಮಂಜು 11 ತಂಡ ಪ್ರಶಸ್ತಿ ತನ್ನದಾಗಿಸಿಕೊಂಡಿದ್ದು , ಎಂಆರ್ ಫ್ಯಾಂಥಸ್ರ್ಸ್ ರನ್ನರ್ ಆಗಿ ಹೊರ ಹೊಮ್ಮಿದೆ.
ಬೆಂಗಳೂರಿನ ಚಿಕ್ಕನಹಳ್ಳಿಯಲ್ಲಿರುವ ಗ್ರೀನ್ ಸ್ಪೋರ್ಟ್ ವಿಲೇಜ್ ಸ್ಟೇಡಿಯಂನಲ್ಲಿ ಇದೇ ತಿಂಗಳ 20, 21 ಹಾಗೂ 22 ಈ ಮೂರು ದಿನಗಳಲ್ಲಿ ಕ್ರಿಕೆಟ್ ಟೂರ್ನಮೆಂಟ್ ನಡೆಯಿತು.
ಈ ಟೂರ್ನಮೆಂಟ್ ನಲ್ಲಿ 7 ತಂಡಗಳು ಭಾಗಿಯಾಗಿದ್ದು, ಒಟ್ಟು 98 ನಟಿಯರು ಡಬ್ಯು ಡಬ್ಯು ಸಿಎಲ್ -ವುಮೇನ್ಸ್ ವಿಂಡ್ ಬಾಲ್ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಆಟವಾಡಿದ್ದಾರೆ. ಮಂಜುನಾಥ್-ನಾಗಯ್ಯ ಒಡೆತನದ, ನಟಿ ಯಶ ಶಿವಕುಮಾರ್ ನಾಯಕತ್ವದ ಮಂಜು 11 ತಂಡ ವುಮೇನ್ಸ್ ವಿಂಡ್ ಬಾಲ್ ಕ್ರಿಕೆಟ್ ಟೂರ್ನಮೆಂಟ್ ಟ್ರೋಫಿಗೆ ಮುತ್ತಿಟ್ಟಿದೆ. ಮಿಥುನ್ ರೆಡ್ಡಿ ಒಡೆತನದ ದಿವ್ಯಾ ಉರುಡುಗ ನಾಯಕತ್ವದ ಎಂಆರ್ ಫ್ಯಾಂಥಸ್ರ್ಸ್ ಟೀಂ ರನ್ನರ್ ಅಪ್ ಆಗಿ ಹೊರಹೊಮ್ಮಿದೆ.
ಡಬ್ಯು ಡಬ್ಯು ಸಿಎಲ್ -ವುಮೇನ್ಸ್ ವಿಂಡ್ ಬಾಲ್ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಮಂಜು 11 ತಂಡದ ಹೇಮಾ ತಿಮ್ಮಯ್ಯ ಪರ್ಪಲ್ ಕ್ಯಾಪ್ ಪಡೆದುಕೊಳ್ಳುವುದರ ಜೊತೆಗೆ ವುಮೇನ್ ಆಫ್ ದಿ ಸೀರೀಸ್ ಆಗಿ ಹೊರಹೊಮ್ಮಿದ್ದಾರೆ. ಬುಲ್ ಸ್ಕ್ಯಾಡ್ ತಂಡದ ಕವಿತಾ ಗೌಡ ಆರೇಂಜ್ ಕ್ಯಾಪ್ ತಮ್ಮದಾಗಿಸಿಕೊಂಡಿದ್ದಾರೆ.
ವಿನ್ನರ್ ತಂಡಕ್ಕೆ 2 ಲಕ್ಷ ರೂಪಾಯಿ ಕ್ಯಾಶ್ ಹಾಗೂ ರನ್ನರ್ ಅಪ್ ತಂಡಕ್ಕೆ 1 ಲಕ್ಷ ರೂ ನೀಡಲಾಗಿದೆ. ಆರೆಂಜ್ ಹಾಗೂ ಪರ್ಪಲ್ ಕ್ಯಾಪ್ ಪಡೆದುಕೊಂಡವರಿಗೆ 50 ಸಾವಿರ ನೀಡಲಾಗಿದ್ದು, ವುಮೇನ್ ಆಫ್ ದಿ ಸೀರೀಸ್ ಗೆ 1 ಲಕ್ಷ ರೂ ಕೊಡಲಾಗಿದೆ.
ಟೂರ್ನಮೆಂಟ್ ನಲ್ಲಿ ಭಾಗಿಯಾದ ತಂಡಗಳು, ಓನರ್ ಹಾಗೂ ಕ್ಯಾಪ್ಟನ್
• ಎವಿಆರ್ ಟಸ್ಕರ್ಸ್-ಅರವಿಂದ್-ವೆಂಕಟೇಶ್ ರೆಡ್ಡಿ-ದಿವ್ಯಾ ಸುರೇಶ್
• ಎಂಆರ್ ಫ್ಯಾಂಥಸ್ರ್ಸ್-ಮಿಥುನ್ ರೆಡ್ಡಿ-ದಿವ್ಯಾ ಉರುಡುಗ
• .ಬುಲ್ ಸ್ಕ್ಯಾಡ್-ಮೋನಿಷ್-ಶಾನ್ವಿ ಶ್ರೀವಾಸ್ತವ
• ವಿನ್ ಟೈಮ್ ರಾಕಸ್ರ್ಸ್-ಅನಿಲ್ ಕುಮಾರ್ ಬಿ.ಆರ್-ಆಶಾ ಭಟ್
• ಮಂಜು 11-ಮಂಜುನಾಥ್-ನಾಗಯ್ಯ-ಯಶ ಶಿವಕುಮಾರ್
• ಬಯೋಟಾಪ್ ಲೈಫ್ ಸೇವಿಯರ್ಸ್-ಪ್ರಸನ್ನ-ವಿನು ಜೋಸ್-ಅಪೂರ್ವ
• ಖುಷಿ 11 – ಭೂಮಿ ಶೆಟ್ಟಿ
