ಕ್ರೀಡಾ ಪರಿಸರ ಬಲಪಡಿಸಲು ಆಕ್ಸಿಸ್ ಬ್ಯಾಂಕ್ , ಲಕ್ಷ್ಯ ಶೂಟಿಂಗ್ ಕ್ಲಬ್ ನಡುವೆ ಒಪ್ಪಂದ
ಭಾರತದ ಕ್ರೀಡಾ ಪರಿಸರ ಬಲಪಡಿಸುವ ದಿಟ್ಟ ನಿಲುವಿನ ಪ್ರಮುಖ ಖಾಸಗಿ ವಿತ್ತ ಸಂಸ್ಥೆಗಳಾದ ಆಕ್ಸಿಸ್ ಬ್ಯಾಂಕ್, ಲಕ್ಷ್ಯ ಶೂಟಿಂಗ್ ಕ್ಲಬ್ ಜೊತೆಗೂಡಿ ‘ಆಕ್ಸಿಸ್ ಬ್ಯಾಂಕ್ ಲಕ್ಷ್ಯ ಶೂಟಿಂಗ್ ಕ್ಲಬ್ ಹೈ ಪರ್ಫಾರ್ಮೆನ್ಸ್ ಸೆಂಟರ್’ ಅನ್ನು ನವಿ ಮುಂಬೈನಲ್ಲಿ ಸ್ಥಾಪಿಸಲು ಒಪ್ಪಂದಕ್ಕೆ ಸಹಿ ಹಾಕಿದೆ
ಮುಂಬೈಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ, ಆಕ್ಸಿಸ್ ಬ್ಯಾಂಕ್ನ ಗ್ರೂಪ್ ಎಕ್ಸಿಕ್ಯೂಟಿವ್ ಮತ್ತು ಹೆಡ್ – ಹೋಲ್ಸೇಲ್ ಬ್ಯಾಂಕ್ ಕವರೇಜ್ ಮತ್ತು ಸಸ್ಟೈನಬಿಲಿಟಿ ವಿಜಯ್ ಮುಲ್ಬಾಗಲ್ ಹಾಗೂ ಲಕ್ಷ್ಯ ಶೂಟಿಂಗ್ ಕ್ಲಬ್ನ ಅಧ್ಯಕ್ಷೆ ಸುಮಾ ಶಿರೂರ್ ಒಪ್ಪಂದಕ್ಕೆ ಸಹಿ ಹಾಕಿದರು.
ಈ ವಿಶಿಷ್ಟ ಶೂಟಿಂಗ್ ಸೆಂಟರ್ ಅತ್ಯಾಧುನಿಕ ಸೌಕರ್ಯಗಳು, ಸಮಗ್ರ ಆಟಗಾರ ಅಭಿವೃದ್ಧಿ ಕಾರ್ಯಕ್ರಮಗಳು ಹಾಗೂ ಸಮುದಾಯ ಭಾಗವಹಿಸುವ ಕ್ರಿಯೆಗಳು ಸೇರಿದಂತೆ ಪುಟಾಣಿ ಶೂಟರ್ಗಳ ಬೆಳವಣಿಗೆಗೆ ಅಗತ್ಯವಿರುವ ಬೆಂಬಲ ಒದಗಿಸುತ್ತದೆ. ಇದರಿಂದ ಒಲಿಂಪಿಕ್ ಮಟ್ಟದ ಶ್ರೇಷ್ಠ ಶೂಟರ್ಗಳನ್ನು ತರಬೇತುಗೊಳಿಸಲಾಗುವುದು ಮತ್ತು ಹೊಸ ಪ್ರತಿಭೆಗಳನ್ನು ಗುರುತಿಸಲು ಒಂದು ಮುಕ್ತ ವೇದಿಕೆ ರೂಪಿಸಲಿದೆ.
ಲಕ್ಷ್ಯ ಶೂಟಿಂಗ್ ಕ್ಲಬ್ ದೇಶದಾದ್ಯಾಂತ ಯುವ ಶೂಟರ್ಗಳಿಗಾಗಿ ಪ್ರಸಿದ್ಧವಾದ ತರಬೇತಿ ಕೇಂದ್ರವಾಗಿದ್ದು, ಒಲಿಂಪಿಯನ್ ಹಾಗೂ ಅರ್ಜುನ ಮತ್ತು ದ್ರೋಣಾಚಾರ್ಯ ಪ್ರಶಸ್ತಿ ವಿಜೇತೆ ಸುಮಾ ಶಿರೂರ್ ಸ್ಥಾಪಿಸಿದ್ದಾರೆ. ಸುಮಾ ಶಿರೂರ್ ಅವರು 2024ರ ಪ್ಯಾರಿಸ್ ಒಲಿಂಪಿಕ್ಸ್ನಲ್ಲಿ ಭಾರತದ ರಾಷ್ಟ್ರೀಯ ಶೂಟಿಂಗ್ ತಂಡವನ್ನು ಐತಿಹಾಸಿಕ ಪದಕ ಗಳಿಕೆಗೆ ಮುನ್ನಡೆಸಿದ ಪ್ರಮುಖ ಕೋಚ್ ಆಗಿದ್ದಾರೆ.
ಲಕ್ಷ್ಯ ಶೂಟಿಂಗ್ ಕ್ಲಬ್ ಅಭಿವೃದ್ಧಿಗೆ ಆಕ್ಸಿಸ್ ಬ್ಯಾಂಕ್ ಆರ್ಥಿಕ ಹಾಗೂ ಮೂಲಸೌಕರ್ಯ ಬೆಂಬಲ ನೀಡಲಿದೆ. ಈ ಬೆಂಬಲದ ಮೂಲಕ ಸಮಗ್ರತೆಯೊಂದಿಗೆ ಅಭಿವೃದ್ಧಿಪಡಿಸಲಾಗುವ ಕೇಂದ್ರದಲ್ಲಿ ಈ ಕೆಳಗಿನ ಸೌಲಭ್ಯಗಳು ಇರಲಿವೆ. ಏರ್ ರೈಫಲ್, ಏರ್ ಪಿಸ್ಟಲ್ ಮತ್ತು ನಿಗದಿತ 50 ಮೀ. ರೈಫಲ್ಗಾಗಿ ಇಬ್ಬರಿಗಾಗಿ ಸುಧಾರಿತ ಶೂಟಿಂಗ್ ಶ್ರೇಣಿಗಳು
ಕಾರ್ಯಕ್ಷಮತೆಯ ವಿಶ್ಲೇಷಣೆ, ಗಾಯ ತಡೆಗಟ್ಟುವಿಕೆ ಮತ್ತು ಪುನಶ್ಚೇತನ ನೆರವುಗಳನ್ನು ಒಳಗೊಂಡ ಸ್ಪೋರ್ಟ್ಸ್ ಸೈನ್ಸ್ ಸೆಂಟರ್. ಕ್ರೀಡಾಪಟುಗಳ ಭಾವನಾತ್ಮಕ ಹಾಗೂ ಮಾನಸಿಕ ಕ್ಷೇಮಾಭಿವೃದ್ಧಿಗೆ ಸಹಾಯ ಮಾಡುವ ಸ್ಪೋರ್ಟ್ಸ್ ಸೈಕೋಲಜಿ ಘಟಕ. ಆಟಗಾರರು ಮತ್ತು ಕೋಚ್ಗಳಿಗಾಗಿ ವಾಸ್ತವ್ಯ ಸೌಲಭ್ಯಗಳು ಹಾಗೂ ಹೆಚ್ಚಿನ ತರಬೇತಿ ವ್ಯವಸ್ಥೆಗಳು
ಈ ಕೇಂದ್ರದಲ್ಲಿ ಪ್ರತಿವರ್ಷ 400ಕ್ಕಿಂತ ಹೆಚ್ಚು ಆಟಗಾರರು ಪಾಲ್ಗೊಳ್ಳುವ ನಿರೀಕ್ಷೆಯಿದೆ. ಭಾರತದ ಪರಾಲಿಂಪಿಕ್ಸ್ ಮತ್ತು ಡೆಫ್ಲಿಂಪಿಕ್ಸ್ ಸ್ಪರ್ಧೆಗಳಲ್ಲಿ ಭಾಗವಹಿಸಿದ ಪ್ಯಾರಾ ಕ್ರೀಡಾಪಟುಗಳು ಸೇರಿದಂತೆ ಎಲ್ಲರಿಗೂ ಇಲ್ಲಿ ಬೆಂಬಲ ಒದಗಿಸಲಾಗುತ್ತದೆ.
ಆಕ್ಸಿಸ್ ಬ್ಯಾಂಕಿನ ಸಗಟು ಬ್ಯಾಂಕ್ ಕವರೇಜ್ ಮತ್ತು ಸುಸ್ಥಿರತೆಯ ಸಮೂಹ ಕಾರ್ಯನಿರ್ವಾಹಕ ಮತ್ತು ಮುಖ್ಯಸ್ಥ ವಿಜಯ್ ಮುಲ್ಬಾಗಲ್ ಮಾತನಾಡಿ “ಭಾರತದಲ್ಲಿ ವಿಶ್ವ ದರ್ಜೆಯ ಶೂಟಿಂಗ್ ಮೂಲಸೌಕರ್ಯವನ್ನು ಸ್ಥಾಪಿಸಲು ಲಕ್ಷ್ಯ ಶೂಟಿಂಗ್ ಕ್ಲಬ್ನೊಂದಿಗೆ ಪಾಲುದಾರಿಕೆ ಹೊಂದಿರುವುದರಿಂದ ಭಾರತೀಯ ಕ್ರೀಡೆಗಳಿಗೆ ಬದ್ಧತೆಯನ್ನು ಪುನರುಚ್ಚರಿಸಲು ಹೆಮ್ಮೆಪಡುತ್ತೇವೆ. ನಮ್ಮ ಉನ್ನತ ಶೂಟರ್ಗಳು ಒಲಿಂಪಿಕ್ ಮಟ್ಟದಲ್ಲಿ ಯಶಸ್ವಿಯಾಗಲು ಅನುವು ಮಾಡಿಕೊಡುವಲ್ಲಿ ಕೇಂದ್ರವು ಪ್ರಮುಖ ಪಾತ್ರ ವಹಿಸುತ್ತದೆ ಮತ್ತು ಭಾರತದಲ್ಲಿ ಮುಂದಿನ ಪೀಳಿಗೆಯ ಶೂಟಿಂಗ್ ಪ್ರತಿಭೆಯನ್ನು ಗುರುತಿಸಲು ಮತ್ತು ಪೋಷಿಸಲು ಸಹಾಯ ಮಾಡುತ್ತದೆ ಎಂದು ಹೇಳಿದರು.
ಲಕ್ಷ್ಯ ಶೂಟಿಂಗ್ ಕ್ಲಬ್ನ ಒಲಿಂಪಿಯನ್ ಮತ್ತು ಹೈ-ಪರ್ಫಾರ್ಮೆನ್ಸ್ ನಿರ್ದೇಶಕಿ ಸುಮಾ ಶಿರೂರ್ ಮಾತನಾಡಿ, “ಆಕ್ಸಿಸ್ ಬ್ಯಾಂಕ್ನೊಂದಿಗಿನ ಈ ಪಾಲುದಾರಿಕೆಯು ಬಹಳಷ್ಟು ಅರ್ಥಪೂರ್ಣವಾಗಿದೆ. ಇದು ನಮ್ಮ ಕನಸಿಗೆ ನಮ್ಮನ್ನು ಹತ್ತಿರ ತರುತ್ತದೆ – ಪ್ರತಿಭೆಗೆ ಸರಿಯಾದ ಬೆಂಬಲ ಸಿಗುವ ಕೇಂದ್ರ, ಮತ್ತು ಪ್ರತಿಯೊಬ್ಬ ಯುವ ಶೂಟರ್ ಯಶಸ್ವಿಯಾಗಲು ನಿಜವಾದ ಅವಕಾಶವಿದೆ ಎಂದಿದ್ದಾರೆ
