ಪ್ರೇಕ್ಷಕರಿಗೆ ಮೋಡಿ ಮಾಡಿದ ಚಿ.ತು ಯುವಕರ ಸಂಘ
“ಅಧ್ಯಕ್ಷ” ಚಿತ್ರದಲ್ಲಿ ನಟ ಶರಣ್ ಮತ್ತು ಇನ್ನೊಬ್ಬ ನಟ ಚಿಕ್ಕಣ್ಣ ಕಟ್ಟಿದ್ದ ಸಂಘ. “ಚಿ.ತು ಯುವಕರ ಸಂಘ:”. ಈಗ ಇದೇ ಹೆಸರಲ್ಲಿ ಚಿತ್ರವನ್ನು ತೆರೆಗೆ ಕಟ್ಟಿಕೊಡಲು ಪ್ರತಿಭಾನ್ವಿತರ ತಂಡ ಸಜ್ಜಾಗಿದೆ.
ಅಧ್ಯಕ್ಷ ಚಿತ್ರದ ಸೊಗಡಿನಲ್ಲಿ ಪಕ್ಕಾ ಹಳ್ಳಿಯ ನಾಟಿ ಸ್ಟೈಲ್ ನಲ್ಲಿ ಔಟ್ ಅಂಡ್ ಔಟ್ ಎಂಟ್ರೈನ್ಮೆಂಟ್ ಪ್ಯಾಕೇಜ್ ರೆಡಿಯಾಗಿದೆ. ಇತ್ತೀಚೆಗಷ್ಟೇ ಬಿಡುಗಡೆ ಆಗಿರುವ ಟೀಸರ್ ಗಮನ ಸೆಳೆದಿದ್ದು ಯುಟ್ಯೂಬ್ ನಲ್ಲಿ 5ಲಕ್ಷಕ್ಕೂ ಅಧಿಕ ವೀಕ್ಷಣೆ ಪಡೆದಿದೆ.
ಜೊತೆಗೆ ಅತ್ಯುತ್ತಮ ಕಮೆಂಟ್ ಹೊಂದಿದೆ.ಸ್ಯಾಂಡಲ್ ವುಡ್ ಅಂಗಳದಲ್ಲಿ ಬರಲಿರೋ ಸಿನಿಮಾಗಳ ಸಾಲಲ್ಲಿ ಭರವಸೆ ಮತ್ತು ನಿರೀಕ್ಷೆ ಎರಡನ್ನೂ ಚಿತು ಯುವಕರ ಸಂಘದ ಟೀಸರ್ ಹುಟ್ಟಿಸಿದೆ.ಚಿ.ತು ಯುವಕರ ಸಂಘ ಚಿತ್ರಕ್ಕೆ ಶಿವು ರಾಮನಗರ ನಿರ್ದೇಶನ ಮಾಡಿದ್ದು, ಕಮರೊಟ್ಟು ಚೆಕ್ ಪೋಸ್ಟ್ ಖ್ಯಾತಿಯ ಚೇತನ್ ರಾಜ್ ನಿರ್ಮಾಣ ಮಾಡಿದ್ದಾರೆ. ಐ ಲವ್ ಯೂ ಖ್ಯಾತಿಯ ಸಂಗೀತ ನಿರ್ದೇಶಕ ಕಿರಣ್ ತೋಟಂಬೈಲ್ ಸಂಗೀತ ಸಂಯೋಜಿಸಿದ್ದಾರೆ.
ಚಿ. ತು ಯುವಕರ ಸಂಘಕ್ಕೆ ನಾಯಕನಾಗಿ ಸನತ್ ಕಾಣಿಸಿಕೊಂಡಿದ್ದು, ವಿರಾನಿಕ ಶೆಟ್ಟಿ ನಾಯಕಿಯಾಗಿ ಅಭಿನಯಸಿದ್ದಾರೆ. ತುಕಾಲಿ ಸಂತು, ಮಹಂತೇಶ್, ಸಲ್ಮಾನ್, ಕುರಿ ಪ್ರತಾಪ್ಗಿರಿ. ಬಲರಾಜವಾಡಿ, ಬಿರಾದಾರ್ ಸೇರಿದಂತೆ ದೊಡ್ಡ ಪ್ರತಿಭಾವಂತ ತಾರಾಬಳಗ ಈ ಚಿತ್ರದಲ್ಲಿದೆ.
ಟೀಸರ್ ನಲ್ಲಿ ಈ ಎಲ್ಲಾ ಪಾತ್ರದಾರಿಗಳನ್ನ ಹ್ಯಾಟ್ರಿಕ್ ಡೈರೆಕ್ಟರ್ ಶೋ ಮ್ಯಾನ್ ಜೋಗಿ ಪ್ರೇಮ್ ಪರಿಚಯಿಸಿರೋದು ವಿಶೇಷ. ಟೀಸರ್ ಲುಕ್ ಇಂಪ್ರೆಸೀವ್ ಆಗಿದೆ. ಅಧ್ಯಕ್ಷ ಫ್ಲೇವರ್ ಇರೋ ಈ ಚಿತ್ರವನ್ನ ಖುದ್ದು ಅಧ್ಯಕ್ಷ ಶರಣ್ ಕೊಂಡಾಡಿದ್ದಾರೆ.
ಅಂದ್ಹಾಗೆ ಟೀಸರ್ ನಿಂದ ಸದ್ದು ಸುದ್ದಿ ಮಾಡ್ತಿರೋ ಚಿ.ತು ಯುವಕರ ಸಂಘದ ಹಾಡುಗಳು ಸದ್ಯದಲ್ಲೇ ಬಿಡುಗಡೆ ಆಗಲಿದೆ.
