ಸೆಪ್ಟೆಂಬರ್ 26ರಿಂದ ‘ಸುಮತಿ ಒಲವು’ ಪ್ರಸಾರ: ಕನ್ನಡದಲ್ಲಿಯೂ ಲಭ್ಯ
ಸ್ವದೇಶಿ ಸ್ಟ್ರೀಮಿಂಗ್ ಪ್ಲಾಟ್ ಫಾರ್ಮ್ ಜೀ-5 ಮತ್ತೊಂದು ಹೊಸ ಕಥೆಯೊಂದಿಗೆ ಪ್ರೇಕ್ಷಕರ ಎದುರು ಬರುತ್ತಿದೆ. ಮಲಯಾಳಂ ಹಾರರ್ ಕಾಮಿಡಿ ಸಿನಿಮಾ ಸುಮತಿ ಒಲವು ಇದೇ ತಿಂಗಳ 26ರಿಂದ ಜೀ-5 ಸ್ಟ್ರೀಮಿಂಗ್ ಆಗಲಿದೆ. ಕನ್ನಡ, ತೆಲುಗು ,ತಮಿಳು ಹಾಗೂ ಹಿಂದಿ ಭಾಷೆಯಲ್ಲಿ ಚಿತ್ರ ವೀಕ್ಷಣೆ ಮಾಡಬಹುದು.
ವಿಷ್ಣು ಶಶಿಶಂಕರ್ ಸುಮತಿ ಒಲವು ಸಿನಿಮಾಗೆ ಆಕ್ಷನ್ ಕಟ್ ಹೇಳಿದ್ದಾರೆ. ಚಿತ್ರದಲ್ಲಿ ಅರ್ಜುನ್ ಅಶೋಕನ್, ಗೋಕುಲ್ ಸುರೇಶ್, ಸೈಜು ಕುರುಪ್, ಬಾಲು ವರ್ಗೀಸ್, ಮಾಳವಿಕಾ ಮನೋಜ್ ಮತ್ತು ಶಿವಡ ಸೇರಿದಂತೆ ಪ್ರತಿಭಾನ್ವಿತ ತಾರಾಬಳಗವಿದೆ. ಸುಮತಿ ಎಂಬ ಗರ್ಭಿಣಿ ಕೊಲೆ ಬಳಿಕ ನಡೆಯುವ ಹಾರರ್ ಕಥೆಗೆ ಕಾಮಿಡಿ ಟಚ್ ಕೊಟ್ಟು ಸಿನಿಮಾವನ್ನು ಕಟ್ಟಿಕೊಡಲಾಗಿದೆ.
ನಿರ್ದೇಶಕ ವಿಷ್ಣು ಶಶಿಶಂಕರ್ ಮಾತನಾಡಿ’ಸುಮತಿ ಒಲವು ಸಿನಿಮಾ ಕೇರಳದ ಜಾನಪದದಲ್ಲಿ ಬೇರೂರಿದ್ದು, ಅದನ್ನು ಇಂದಿನ ಸಮಕಾಲೀನ ಪ್ರೇಕ್ಷಕರಿಗಾಗಿ ರಚಿಸಲಾಗಿದೆ. ಇದು ಕೇವಲ ಭಯಾನಕತೆ ಒಳಗೊಂಡಿರದೇ ಮಾನವನ ಭಾವನೆ ಬಗ್ಗೆ ರೂಪಿಸಲಾಗಿದೆ. ಸಿನಿಮಾ ಪುರಾಣ, ನೆನಪು ಹಾಗೂ ನಿಗೂಢತೆಯ ಸುತ್ತ ಸಾಗುತ್ತದೆ. ತಮ್ಮ ಈ ಕಂಟೆಂಟ್ ನ್ನು ಪ್ರೇಕ್ಷಕರಿಗೆ ತಲುಪಿಸಲು ಜಿ-5 ನಮಗೆ ಪರಿಪೂರ್ಣವಾದ ವೇದಿಕೆ’ ಎಂದರು.
ಶೂಟಿಂಗ್ ಸಮಯದಲ್ಲಿ ತಮಗೆ ಆದ ಅನುಭವ ಹಂಚಿಕೊಂಡ ನಟ ಅರ್ಜುನ್ ಅಶೋಕನ್, ‘ಜಿ-5 ವಿವಿಧ ಭಾಷೆಗಳ ಪ್ರೇಕ್ಷಕರಿಗೆ ಸಮತಿ ಒಲವು ಸಿನಿಮಾ ಪ್ರದರ್ಶಿಸುತ್ತಿರುವುದು ಸಂತಸ’ ಎಂದು ಹೇಳಿದರು.
ನಟಿ ಮಾಳವಿಕಾ ಮನೋಜ್ ಮಾತನಾಡಿ, ಸುಮತಿ ಒಲವು ಸಿನಿಮಾ ಕೇರಳದ ಸಂಸ್ಕೃತಿ ಜೊತೆಗೆ ಸಸ್ಪೆನ್ಸ್ ತುಂಬಿರುವ ಸಿನಿಮಾ. ಈ ಚಿತ್ರದ ಭಾಗವಾಗಿರುವುದು ಖುಷಿಯಾಗಿದೆ. ಪ್ರತಿಭಾನ್ವಿತ ತಾರಾಬಳಗದ ಜೊತೆ ನಟಿಸಿರುವುದು ರೋಮಾಂಚನಕಾರಿ ಅನುಭವಾಗಿದೆ. ಜಿ-5 ಪ್ರೇಕ್ಷಕರ ಪ್ರತಿಕ್ರಿಯೆಗೆ ನಾನು ಕಾತರಳಾಗಿದ್ದೇನೆ ಎಂದರು.
